Հնդկաստանի Գուջարաթ արևմտյան նահանգի պատմական ղեկավարները՝ Գաեկվադ հնդկական ընտանիքի երկու ճյուղերը գործարք են կնքել ընդհանուր արժողությամբ շուրջ 3 միլիարդ դոլարի ժառանգությունը բաժանելու շուրջ՝ հաղորդում է Agence France-Presse-ը:
Բարոդա պետության վերջին ռաջիի արդեն մեռած ժառանգորդի որդին ստացել է հսկայական ամրոց՝ Վադոդարում, դրա շուրջ գտնվող հողերը, ընտանեկան ադամանդներ, այլ թանկարժեք իրեր և համաշխարհային արվեստի գլուխգործոցներով թանգարան:
Ռաջիի երկրորդ՝ դեռևս ողջ որդին ստացել է կոմերցիոն ձեռնարկությունների վերահսկողությունը, այլ անշարժ գույք՝ Վադոդարում, անշարժ գույք՝ Մումբաիում, որտեղ նա ապրում է ընտանիքի հետ:
Բացի այդ, սեփականության մի մասը պետք է բաժանվի Բարոդայի վերջին կառավարչի չորս դուստրերի միջև:
Երկու հիմնական ժառանգների միջև համաձայնագիրը կնքվել է դատավորների ներկայությամբ: Կողմերը կարծիք են հայտնել, որ գործարքը թույլ կտա հարթել տարաձայնությունները, որոնք սկսվել էին վերջին ռաջիի մահից հետո՝ 1991թ.:
Բարոդա պետությունը գոյություն է ունեցել մինչև 1947թ., երբ ստորագրվել է Հնդկական միության, այսինքն՝ ժամանակակից Հնդկաստանի ստեղծման մասին համաձայնագիրը: Մինչ այդ ռաջին պաշտոնապես բրիտանական թագի վասալն էր, իսկ մինչ բրիտանացիների գալը լիիրավ իշխում էր Գուջարատ նահանգի մեծ մասի վրա: Այս ընտանիքի ժառանգներն այժմ անդամակցում են Հնդկաստանի քաղաքական, գործարար էլիտային: