Կատարի դատարանն ուժի մեջ է թողել բանաստեղծի դատավճիռը, ով դատապարտվել է 15 տարվա ազատազրկման: «Արաբական գարնան» համակիր բանաստեղծին մեղավոր են ճանաչել միապետին վիրավորելու և կառավարությունը տապալելու կոչերի մեջ: Այս որոշումն առաջացրել է իրավապաշտպանների զայրույթը: Human Rigths Watch-ի աշխատակից Նիկոլաս ՄաքԳիանը դատարանի որոշումը համարում է քաղաքական՝ հաղորդում է RT-ն:
Աջամին իր բանաստեղծություններում փառաբանել է Թունիսի հեղափոխությունը և քննադատել արաբական այլ երկրների քաղաքականությունը: ՄաքԳիանի խոսքերով՝ համացանցում տեղադրված բանաստեղծություններից ելնելով՝ չի կարելի ասել, որ հեղինակը մեղավոր է իրեն վերագրվող հանցագործություններում: «Իհարկե, այդ մեղադրանքները հակասում են խոսքի ազատության միջազգային իրավունքի սկզբունքներին: Ըստ երևույթին, գործը քաղաքական երանգ ունի»,- ասել է նա:
Հատկապես անհանգստություն է առաջացրել այն, թե ինչպես են վարվել բանաստեղծի հետ մինչ դատը:
