Եվրոպայում առցանց գնումների ոլորտում առաջնային տեղ է զբաղեցնում հագուստը։ Այն կազմում է կանանց կողմից արված գնումների 68 տոկոսը, և տղամարդկանց կողմից արված գնումների 56 տոկոսը։
Ժողովրդականությամբ երկրորդ կատեգորիան հյուրանոցային ամրագրումներն են ու տարբեր տեսակի տրանսպորտների տոմսերը։ Կանանց շրջանում նման գնումները կազմում են 51, իսկ տղամարդանց շրջանում՝ 52 տոկոս։
Առցանց գնումներում ժողովրդականություն են վայելում նաև տան համար նախատեսված ապրանքները (43 տոկոս կանայք և 45 տոկոս տղամարդիկ), և միջոցառումների տոմսերը (38-ական տոկոս)։ Այս մասին հայտնում է «Եվրոպուլսը»։
Ինչպես հայտնում է Եվրոստատ վիճակագրական ծառայությունը՝ ԵՄ-ում կանանց 65 տոկոսն ու տղամարդկանց 67 տոկոսն օգտվում են համացանցային խանութներից։ Եթե համացանցով կանայք հագուստ գնում են ավելի շատ, քան տղամարդիկ, ապա էլեկտրոնիկայի հարցում պատկերը հակառակն է (31 տոկոսն ընդդեմ 17-ի)։
