«ՀայՌուսգազարդ» ՓԲԸ-ն օրերս ՀՀ հանրային ծառայությունները կարգավորող հանձնաժողովի համաձայնեցմանն է ներկայացրել իր 2011-2013 թթ. լրամշակված ներդրումային ծրագիրը:
2011-2013 թթ. ներդրումային ծրագրով նախատեսվում է իրականացնել մոտ 14 մլրդ 863 մլն դրամի ընդհանուր ներդրումներ, որից 2011 թվականին` 8.49 մլրդ դրամ: Ներդրումները կիրականացվեն հետևյալ ուղղություններով.
– գազափոխադրման համակարգում Աբովյանի գազի ստորգետնյա պահեստարան-կայանի վերակառուցման և ընդլայնման համար՝ 1մլրդ 227 մլն դրամ, որից 519.6 մլն դրամը՝ 2011 թվականին,
– գազափոխադրման համակարգի վերակառուցման համար՝ 4 մլրդ 836.6 մլն դրամ, որից 2 մլրդ 745.1 մլն դրամը՝ 2011 թվականին,
– գազափոխադրման համակարգում այլ ուղղություններով իրականացվելիք ներդրումները՝ 429.1 մլն դրամ, որից 77.5 մլն դրամը 2011 թվականին,
– գազաբաշխման համակարգի ընդլայնման համար՝ 1մլրդ 26.3 մլն դրամ, որից 681.3 մլն դրամը 2011 թվականին,
– գազաբաշխման համակարգի վերակառուցման համար՝ 2 մլրդ 957.5 մլն դրամ, որից 1 մլրդ 84 մլն դրամը 2011 թվականին,
– գազաբաշխման համակարգում այլ ուղղություններով իրականացվելիք ներդրումները՝ 4 մլրդ 385.6 մլն դրամ, որից 3 մլրդ 383.1 մլն դրամը 2011 թվականին,
– ազդանշանային սարքերի ինքնաշխատ վթարային կափույրների տեղակայման համար՝ 3 մլրդ 285 մլն դրամ, որից 3 մլրդ դրամը 2011 թվականին:
