Թուրքիան տարեկան ավելի քան 10 մլրդ դոլար է կորցնում ապօրինի զբոսաշրջության պատճառով: Այս մասին հաղորդում է Anadolu գործակալությունը` վկայակոչելով Թուրքիայի զբոսաշրջային գործակալությունների ասոցիացիային:
Ասոցիացիայի տվյալներով` Թուրքիայում տարեկան մոտ 15 մլրդ դոլար «թաքնվում է» հարկերից, ինչը նպաստում է երկրի տնտեսության թուլացմանը:
Ասոցիացիան հաղորդում է նաև, որ ներկայումս ապօրինի զբոսաշրջությունը բավականին լայն տարածում է գտել Թուրքիայի բոլոր շրջաններում, որտեղ գործում են չգրանցված գործակալություններ:
Ըստ պաշտոնական վիճակագրության` 2013-ի հունվարից հուլիսն ընկած ժամանակահատվածում Թուրքիային զբոսաշրջության բերած եկամուտն աճել է 1.6 մլրդ դոլարով` ի տարբերություն նախորդ տարվա նույն ժամանակահատվածի: