6 անձիք կմասնակցեն փորձին, որը կնմանակի թռիչքը դեպի Լուսին։ 3 տղամարդիկ և 3 կանայք 17 օր կանցկացնեն մեկուսի, սահմանափակ տարածքում։
Փորձը կդառնա առաջինը SIRIUS նախագծում (Scientific International Research In Unique terrestrial Station)։ Այս մասին հայտնում է ՌԴ Կենսաբժշկական խնդիրների ինստիտուտը։
Գիտնականները կհետևեն, թե ինչպես է իրեն դրսևորում անձնակազմը Երկրի հետ կապի բացակայության պայմաններում։ Բացի այդ, կուսումնասիրվի սոցիալական դերերի բաշխումը, տարբեր սեռերի անդամների միջև փոխգործակցությունը։
SIRIUS-ի շրջանակում նախատեսվում է նաև մշակել անձնակազմի գործողությունները դեպի Լուսնի շուրջ գտնվող Deep Space Gateway կայան թռիչքի ժամանակ, որը 2024 թվականից կսկսեն կառուցել Ռուսաստանն ու ԱՄՆ-ը։ Արշավախմբի անդամները ստիպված կլինեն հաջորդ տարի մեկուսացման մեջ անցկացնել 4 ամիս, 2019-ին՝ 8 ամիս, իսկ հետո կսկսվի 1 տարի տևողությամբ փորձը։
