ԱՄՆ նախագահ Դոնալդ Թրամփը դեռևս պատրաստվում է ԱՄՆ դեսպանատունը Թել-Ավիվից Երուսաղեմ տեղափոխել: mignews.com-ի հաղորդմամբ՝ այս մասին հայտարարել է Իսրայելում Հանրապետական կուսակցության ներկայացուցիչ Մարկ Զելը:
«Նա, ըստ ամենայնի, ԱՄՆ միակ նախագահն է այն ժամանակից, երբ պաշտոնը զաբղեցնում էր Քլինթոնը 90-ականներին, ով մտադիր է իր երկրի դեսպանատունը Թել-Ավիվից Երուսաղեմ տեղափոխել»,- ասել է Զելը:
«Նա այդ հարցով կզբաղվի այն ժամանակ, երբ դա անվտանգ դառնա: Ներկայումս իրավիճակը Մերձավոր Արևելքում շատ բարդ է: Խոսքը հիմա, մասնավորապես, Իրանի կողմից միջուկային սպառնալիքի, նաև աշխարհաքաղաքական մակարդակում Իսլամական Հանրապետության սպառնալիքի մասին է: Եվ այդ լարված իրավիճակը կարող է շատ տհաճ և ավերիչ գործողությունների պատճառ դառնալ: Այդ սպառնալիքին դիմակայել հնարավոր է միայն ջանքերը միավորելով»,- համոզված է նա:
