ԱԻՄ առաջնորդ Պարույր Հայրիկյանը նշում է՝ այսօր Հայաստանի համար առաջնային է սահմանադրական փոփոխություններ իրականացնելը, և դրա համար անհրաժեշտ է քաղաքական ուժերի համախմբում։ «Առաջին լրատվական»-ի զրույցում Հայրիկյանն անդրադառնալով Սեֆիլյանի հրապարակած ցուցակի անձանց գործունեությանը ու նախատեսվող հռչակագրին, նշեց. «Լուրջ խնդիր ենք բարձրացրել՝ միասնական ուժերով սահմանադրական փոփոխություններ իրականացնել։ Դա լուրջ առաջարկ է՝ 50 տարի քաղաքաքականությամբ զբաղվող մարդուց և միակ մարդուց, որը համարվում է հաջողված ու ռազմավարական ծրագրեր ներկայացրած։ Եթե այդ մարդու ասածը չեք լսում, չեք գալիս այդ մի քայլն էլ աջակցելու՝ ես ո՞վ պետք է լինեմ, որ հավատամ ձեր այդ մանկապարտեզային դրսևորումներին»,- ասաց մեր զրուցակիցը։
Հայրիկյանը շարունակում է. «Ապագաղութացումը վերցրել են ինձանից և լավ են արել, որ վերցրել են՝ ես չեմ խոսում ծրագրերի մասին, ոչ էլ իշխանափոխությունն եմ համարում մանկապարտեզային դրսևորում։ Բայց եթե ուզում եմ խաղալ Հայաստանի հավաքականում, պետք է ինչ-որ թիմում խաղացած լինեմ։ Պետք է դրանից առաջ տեսնեի Անդրեասյանին, Զանազանյանին, ասեի՝ մի քիչ խաղալ գիտեմ, պիտանի՞ եմ, թե՞ ոչ։ Հաջողակ կարող է լինել նա, ով պարտվում է մեծերին, իսկ պարտվել՝ չի նշանակում՝ գլուխ խոնարհել, պետք է օգտվեն նրա փորձառությունից ու գիտելիքներից։ Ես բանտում գտնվող Ժիրայրի ու Կարոյի մասին չեմ խոսում։ Երբ բանտից են խոսում՝ նույնիսկ սխալ, ես շատ զուսպ եմ»։
Պարույր Հայրիկյանը մնում է նախկինում հայտնած իր այն տեսակետին, որ զինված պայքարն ապագա չունի. «Աստված ասել է՝ պետք է սիրել մերձավորին, դիմացինիդ հետ վարվես այնպես, ինչպես կուզեիր, որ նա քեզ հետ վարվեր։ Ինչո՞ւ պետք է իմ անցած ճանապարհն արհամարհեմ ու այսօր պոռոտախոսեմ զենքի մասին»։
Հայրիկյանը նաև լավատես չէ, որ իշխանություններն այս անգամ կստորագրեն ԵՄ-ի հետ Համապարփակ և ընդլայնված գործընկերության համաձայնագիրը։
Հարցազրույցն ամբողջությամբ՝ տեսանյութում։
