Հայաստանը 9 կետով նահանջել է Doing Business վարկանիշում՝ հայտնվելով 47-րդ հորիզոնականում՝ նախորդ տարվա 38-ի համեմատ: Հայաստանի գործատուների միության նախագահ Գագիկ Մակարյանը, անդրադառնալով խնդրին, նշեց. «Մենք ավելի դանդաղեցինք, քան այլ երկրներ, որովհետև Doing Business-ով առաջ կամ հետ գնալը միայն քո գործառույթներով պայմանավորված չէ, միայն տվյալ պետության գործառույթները բավարար չեն»: «Հարևան երկրները, որոնք այդ շարքի մեջ կան և Doing Business-ի ցուցակում են, մեծ ջանքեր են դնում իրենց գրավչությունը բարձրացնելու համար: Ամբողջ աշխարհում տնտեսական ուժեղ մրցավազք է, պետությունների քաղաքական շահերը ծառայեցնում են իրենց տնտեսական շահերի համար, և մենք էլ այդ ճանապարհով պետք է գնանք առաջ»,- հավելեց նա:
Կարեն Կարապետյանը դեռ հունիսին հայտարարում էր, որ համալիր միջոցառումներ են իրականացնում՝ Հայաստանը Համաշխարհային բանկի Doing Business զեկույցում 20 լավագույն երկրների շարքում ընդգրկելու համար:
Գագիկ Մակարյանի խոսքերով՝ այն որ 20 լավագույն երկրների շարքում չհայտնվեցինք, լուրջ եզրակացությունների առիթ է տալիս. «Նահանջ ենք արձանագրել: Կամ պետական ապարատն ի վիճակի չէ արագ աշխատելու և ճիշտ համակարգելու, և նաև կառավարության որոշակի ազդեցությունը կա մասնավոր ոլորտի ընկերությունների վրա: Մենք շատ-շատ ենք դանդաղել»,- ասաց Գագիկ Մակարյանը:
Ամբողջությամբ՝ տեսանյութում:
