Սեֆիլյանի և մյուսների գործով դատարանը դատական սանկցիա կիրառեց փաստաբաններ Տիգրան Հայրապետյանի, Արայիկ Պապիկյանի և Նինա Կարապետյանցի նկատմամբ՝ դատարանի դահլիճը առանց դատարանի թույլտվության լքելու համար: Դատարանը դիմելու է ՓՊ՝ այդ փաստաբաններին պատասխանատվության ենթարկելու վերաբերյալ դիմումով: Դատարանը նորից սանկցիա կիրառեց ամբաստանյալներ Սեֆիլյանի, Գրիգորյանի և Կիրակոսյանի նկատմամբ՝ դատարանում ոտքի չկանգնելու համար:
Դատարան ներկայացավ Արայիկ Պապիկյանը, բայց փաստաբաններ Տիգրան Հայրապետյանը և Նինա Կարապետյանցը դահլիճ չմտան: Նախագահողը, նկատի ունենալով, որ ամբաստանյալ Ժիրայր Սեֆիլյանը մնացել է առանց պաշտպանի, որոշեց դիմել Հանրային պաշտպանի գրասենյակ՝ Ժիրայր Սեֆիլյանին հանրային պաշտպանով ապահովելու համար: Սեֆիլյանը հայտարարեց. «Ներսես Պողոսյանի այս վիճակում դուք իրավունք չունեք նիստը շարունակելու»:
Դատական նիստը հետաձգվեց մինչև հոկտեմբերի 27-ը:
