«Շատ կարևոր եմ համարում այդ հարցի արծարծումը։ Մենք մինչև օրս չունենք դրա գնահատականը, գնահատականը տրվում է հավատքի մակարդակով՝ «լավ ա, լավ չի» սկզբունքով։ Անեկդոտային յոթերորդ դասարանի երկրաչափության խնդրի նման՝ «մամայի արևի» հիման վրա։ Պարտադիր չէ այդ վերլուծությունները լինեն բացասական կամ դրական՝ պետք են պարզապես փաստերի վրա հիմնված գնահատականներ»,- «Առաջին լրատվական»-ի հետ զրույցում անդրադառնալով «Ելք» դաշինքի՝ ԵԱՏՄ-ից դուրս գալու հայտարարության նախագծին, ասաց «Բաց հասարակության հիմնադրամներ-Հայաստան» գրասենյակի գործադիր տնօրեն Լարիսա Մինասյանը։
Մեր զրուցակիցը կարծում է՝ հարցը պետք է քննարկվի՝ ցանկացած հարցի քննարկում դա ժողովրդավարության հիմք է։ Ինչ վերաբերում է քաղաքացիական հասարակության կողմից այդ նախաձեռնության աջակցությանը, մեր զրուցակիցն ընդգծեց. «Աջակցության համար նույն «Ելք»-ը պետք է դնի հարցեր քաղաքականության դաշտում ՝ դուրս գանք, որովհետև «սա, սա, սա…»։ Երևի թե պետք է մի քայլ ավելի բարձրացնել, ոչ թե «ոնց մտանք, այնպես էլ դուրս գանք»։ Այն քաղաքական ուժը, որը հարցը դնում է՝ պետք է նաև հիմնավորի, քաղաքացիական դաշտում այդ վերլուծություններն ավելի շատ են, քան քաղաքական դաշտում»,- եզրափակեց նա։
Հարցազրույցն ամբողջությամբ՝ տեսանյութում:
