ԱՄՆ-ը հայտարարել է Կուբայում դիվանագիտական անձնակազմի թվաքանակը կրճատելու և Հավանայում իր դեսպանատանը վիզաների տրամադրումը դադարեցնելու մասին։ Ինչպես հայտնել է Պետդեպի ներկայացուցիչը, դա տեղի է ունենում այսպես կոչված ակուստիկ հարձակումների պատճառով, որոնց վերջին ամիսներին ենթարկվել է դիվանագիտական ներկայացուցչության ավելի քան 20 աշխատակից։
Պետդեպի ներկայացուցիչը նշել է, որ ԱՄՆ-ը պաշտոնական պատվիրակություններ չի ուղարկի Կուբա կամ այնտեղ հանդիպումներ անցկացնի։ «Նման հանդիպումներ կարող են անցկացվել ամերիկյան տարածքում»,-ընդգծել է նա։
Պետքարտուղար Ռեքս Թիլերսոնն ընդգծել է, որ չնայած անձնակազմի անվտանգությունը հանդիսանում է առաջնահերթ հանձնարարություն, ԱՄՆ-ը կշարունակի դիվանագիտական հարաբերություններ պահպանել Կուբայի հետ, քանի որ դա հանդիսանում է ԱՄՆ ազգային շահերի մաս։
