2011 թվականի մարտի 31-ի դրությամբ ՀՀ արժեթղթերի շուկայում գործել են ներդրումային ծառայություններ մատուցող 21 բանկ և 8 ներդրումային ընկերություն: Այս մասին ասվում է ԿԲ հրապարակած 2011թ. առաջին եռամսյակի բանբերում։ Ներդրումային ծառայություն մատուցող ընկերություններից յոթը կարող են իրենց կամ հաճախորդի անունից և իրենց կամ հաճախորդի հաշվին արժեթղթերով գործ արքներ իրականացնել և հաճախորդներից արժեթղթերով գործարքների կատարման հանձնարարականներ ընդունել և հաղորդել, հինգը՝ կարող են նաև արժեթղթերով ներդրումների հետ կապված խորհրդատվություն տրամադրել, վեցը՝ իրականացնել արժեթղթերի տեղաբաշխման գործունեություն և երեքը՝ արժեթղթերի փաթեթի կառավարում:
31.03.2011թ. դրությամբ ներդրումային ընկերությունների ընդհանուր ակտիվները կազմել են 18.6 մլրդ դրամ՝ նախորդ եռամսյակի համեմատ նվազելով 5%-ով:
Ներդրումային ընկերությունների ընդհանուր կապիտալը, 2010 թվականի վերջի համեմատ, ավելացել է 9%-ով՝ կազմելով 3.5 մլրդ դրամ: