94 տարեկանում մահացել է աշխարհի ամենահարուստ կինը՝ ֆրանսիական L’Oreal կոսմետիկական ընկերության ժառանգորդուհի Լիլիան Բետանկուրը: BFMTV հեռուստաալիքի հաղորդմամբ՝ այս մասին հայտնել է նրա դուստրը՝ Ֆրանուսազա Բետանկուր-Մեյերը:
«Լիլիան Բետանկուրն այսօր գիշերը մահացել է իր տանը: Նա պետք է հոկտեմբերի 21-ին 95 տարեկան դառնար»,- ասվում է Բետանկուր-Մեյերի հայտարարության մեջ:
Լիլիան Բետանկուրը ծնվել է 1922 թ. Փարիզում: 1909 թ. իր հոր հիմնած L’Oreal ընկերության համասեփականատերն էր: Երկար տարիներ Forbes ամսագիրը նրան ընդգրկել է աշխարհի ամենահարուստ մարդկանց ցանկում: Բետանկուրի անձնական կապիտալը կազմում էր 36-40 մլրդ դոլար:
