ԵԽ Խորհրդարանական Ասամբլեայի (ԵԽԽՎ) ղեկավար Ժան-Կլոդ Մինյոնը ԱՄՆ-ին, Ճապոնիային և Բելառուսին մահապատժից հրաժարվելու կոչ է արել, հաղորդվում է Ասամբլեայի պաշտոնական կայքում:
«Ինձ չի կարող չանհանգստացնել այն, որ ԱՄՆ-ում մահապատիժների թիվը շարունակում է մնալ բարձր և նույնիսկ այդ թիվը վերջին տարվա ընթացքում բարձրացել է Ճապոնիայում, այն դեպքում, երբ էլ ավելի շատ երկրներ են գտնվում մահապատժի արգելման գործընթացում»,- նշվում է ԵԽԽՎ նախագահի հայտարարությունում:
Ըստ միջազգային իրավապաշտպան Amnesty International կազմակերպության՝ աշխարհում 2012 թ. մահապատժի է ենթարկվել 628 կալանավոր, ինչը երկուսով ավել է, քան 2011-ին: