ՈւԵՖԱ-ն մտածում է համաշխարհային ֆուտբոլում նոր հեղափոխություն կատարելու մասին` ստեղծելով «Ազգերի լիգա» հատուկ մրցաշարը, որում կխաղան ազգային հավաքականները:
ՈւԵՖԱ-ն մտադիր է հավաքականների ընկերական խաղերը միավորել մեկ մրցաշարում: Նրա անդամ 54 երկրները կմասնակցեն նոր մրցաշարին` անցկացնելով խաղերը հենց այն օրերին, որոնք ՖԻՖԱ-ի օրացույցում ընկերական խաղերի օրեր են:
Ինչպես հայտնում է The Guardian-ը, հղում կատարելով Dagbladet-ին, թիմերը կարող են բաժանվել մի քանի դիվիզիոնների, իսկ առաջին դիվիզիոնի հաղթողը կարժանանա հատուկ մրցանակի:
Ենթադրվում է, որ այս նախաձեռնությանը դեմ կլինեն մի շարք առաջատար երկրներ, քանի որ նրանք կարող են զրկվել շահավետ մի տարբերակից` անցկացնել ընկերական խաղեր ամերիկյան հավաքականների դեմ:
Ըստ նոր սխեմայի, որ առաջարկում է Dagbladet-ը, Հայաստանը կխաղա 6-րդ դիվիզիոնում:
Առաջին դիվիզիոն` Իսպանիա, Գերմանիա, Հոլանդիա, Իտալիա, Անգլիա, Պորտուգալիա
Երկրորդ դիվիզիոն` Ռուսաստան, Հունաստան, Շվեդիա, Ֆրանսիա, Բոսնիա և Հերցեգովինա
Երրորդ դիվիզիոն` Ուկրաինա, Դանիա, Շվեյցարիա, Բելգիա, Հունգարիա, Չեխիա
Չորրորդ դիվիզիոն` Իռլանդիա, Սերբիա, Նորվեգիա, Սլովակիա, Թուրքիա, Իսրայել
Հինգերորդ դիվիզիոն` Սլովենիա, Ավստրիա, Ռումինիա, Մոնտենեգրո, Լեհաստան, Ֆինլանդիա
Վեցերորդ դիվիզիոն` Շոտլանդիա, Հայաստան, Բուլղարիա, Լատվիա, Էստոնիա, Բելառուս
Յոթերորդ դիվիզիոն` Ուելս, Հս. Իռլանդիա, Ալբանիա, Իսլանդիա, Լիտվա, Մակեդոնիա
Ութերորդ դիվիզիոն` Վրաստան, Մոլդովա, Ադրբեջան, Լյուքսեմբուրգ, Կիրպոս, Ղազախստան
Իններորդ դիվիզիոն` Լիխտեյնշտեյն, Ֆարերյան Կղզիներ, Մալթա, Անդորա, Սան Մարինո, Ջիբրալթար
