«Ժողովուրդ»-ն արդեն քանի օր է՝ փորձում է ՀՀ նախագահի մամլո խոսնակ Արման Սաղաթելյանից պարզել՝ Սերժ Սարգսյանը արդյոք պատրաստվում է դատի տալ ԱԺ «Ժառանգություն» խմբակցության անդամ Զարուհի Փոստանջյանին: Երեկ, ի վերջո, թերթի գրավոր հարցմանը պատասխանել են ՀՀ նախագահի աշխատակազմի հասարակայնության հետ կապերի և լրատվության վարչությունից, որտեղ նշված է.
«Ի պատասխան ՀՀ նախագահի մամուլի քարտուղարին ուղղված Ձեր հարցմանը՝ տեղեկացնում ենք, որ ՀՀ նախագահի գործունեության, այդ թվում՝ տարբեր հարցերի հետ կապված նախաձեռնությունների մասին ՀՀ նախագահի աշխատակազմը պատշաճ կարգով և ժամանակին տեղեկացնում է»: Այս գրությունից այդպես էլ հասկանալի չէ՝ Ս. Սարգսյանը արդյոք մտադիր է իր հեղինակության համար իրավական հարթությունում պայքարել, թե Փոստանջյանի հարցը 100-տոկոսանոց ճշմարտություն էր, որի դեմ անհնար է առարկել:
Հոդվածն ամբողջությամբ՝ կարդացեք «ժողովուրդ» օրաթերթի այսօրվա համարում:
