Չեխիայի իշխանությունները լրջորեն մտածում են դատի տալ National Geographic հեռուստաալիքին, որն անցած տարվա դեկտեմբերին «Խաբեբաների քաղաք» հաղորդման շրջանակում պատրաստել էր ռեպորտաժ Պրահայի մասին, հայտնում է ITAR-TASS-ը:
Հաղորդման ընթացքում հեղինակները նախազգուշացրել էին, որ Պրահայում զբոսաշրջիկը շատ հեշտ կարող է դառնալ տարբեր հանցագործների զոհը:
Անցկացրած ծառայողական քննությունը պարզել էր, որ «վավերագրական» նկարահանումներն իրականում եղել են բեմականացված: Խաբեբաների ու գողերի դերերում հանդես են եկել դերասաններ, նկարահանումները կատարվել են մի «գիշերային ակումբում», որն արդեն մի քանի տարի չի աշխատում, իսկ տաքսի ծառայությունը, որի վարորդներն իբր խաբում են հաճախորդներին, արդեն մի քանի տարի է, ինչ գոյություն չունի:
