Հոլիվուդյան դերասանուհի Մերիլին Մոնրոյի պլաստիկ վիրահատությունները հաստատող բժշկական փաստաթղթերը հաջորդ ամիս կվաճառվեն: RIA Novosti-ի փոխանցմամբ՝ այս մասին տեղեկացնում է Julien’s Auctions աճուրդի տան մամլո հաղորդագրությունը:
Ինչպես նշվում է մամլո ասուլիսում՝ «պլաստիկ վիրահատությունների մասին լուրերը շարունակում են զարմացնել ԶԼՄ-ներին ու հասարակությանը»:
Մոնրոյի հավատարիմ երկրպագուները շարունակում են չհավատալ, որ նա կատարել է վիրահատություններ՝ ընդգծելով, որ դերասանուհու «արտաքինը միանգամայն բնական է»:
Իրենց հերթին լրագրողները մինչ օրս վիճում են, թե հատկապես ինչ պլաստիկ վիրահատության է դիմել գեղեցկուհին: Փաստաթղթերը, որոնք ներկայացվելու են աճուրդում, կբացեն գաղտնիքի վարագույրը՝ ասվում է հաղորդագրության մեջ:
Փաստաթղթերում ներառված են ռենտգենյան լուսանկարներ ու բժիշկների գրառումները, որոնք աշխատել են Մոնրոյի հետ: Բժիշկներից մեկի գրության մեջ նշվում է, որ նա հիմնականում բողոքել է «ծնոտի դեֆորմացիայից»: 1950թ. թվագրված գրության մեջ հիշատակվում է կզակի կռճիկավոր իմպլանտի մասին: Ինչպես նշվում է մամլո հաղորդագրության մեջ, այդ վիրահատությունը արվել է քթի պլաստիկ վիրահատության հետ համատեղ:
Փաստաթղթերից մեկն էլ վկայում է 1957թ. դերասանուհու արտարգանդային հղիության մասին:
Աճուրդը տեղի կունենա նոյեմբերի 10-ին՝ Բևերլի Հիլզում:
