Վերակազմավորվող ՀՀՇ կուսակցության անդամ Արարատ Զուրաբյանը, այսօր Անալիտիկ վերլուծական կենտրոնում անդադրառնալով հարցին` ինչու ԵՄ ասոցացման պայմանագրի շուրջ լուրջ ընդդիմություն չեղավ, որևէ մարտահրավեր չեղավ իշխանության այս որոշմանը, խոստովանեց, որ, այո, չտեսանք նման բան: «Դրա դրդարպատճառներից մեկն էլ այն է, որ մենք փորձում ենք վերականգնել այն, ինչ կորցրել ենք տարիներ շարունակ: Հոկտմբերի քսանվեցին ՀՀՇ-ի հիմնադիր համագումարը կլինի, և մենք կփորձենք այդ բացը լրացնել»,- ասաց նա` հավելելով, որ ընդդիմության մի զգալի հատվածը պրոռուսական ուժերն են:
Իսկ թե ինչու Ասոցացման պայմանագիրը հետապնդող ուժերի մոտ միավորում տեղի չունեցավ, Արարատ Զուրաբյանը նշեց, որ դժվար է ասել` ինչու տեղի չունեցով, բայց համոզմունք հայտնեց, որ ընդդիմադիր դաշտը չի կարող այսպիսին մնալ: «Կարծում եմ՝ ինչ-որ բան կլինի: Մի քիչ վաղ է սրա մասին խոսելը, բայց ես համոզված եմ, որ ընդդիմադիր դաշտը չի կարող այսպես մնալ, քանի որ Հայաստանը ընդհանրապես կգնա կործանման: Եթե երկրում սկսում է գոյություն չունենալ լուրջ ընդդիմություն, երկիրը դատապարտված է լինելու»,- ասաց նա:
Նա անդրադաձավ նաև դատախազի ընտրությանը` նշելով, որ ավելի ծանր դեպք պատկերացնել հնարավոր չէ. «Շատ նորմալ կգնահատեի, երբ որոշում կայացվեր, և հայտարարեին, որ կողմ են քվեարկելու, բայց երբ հայտարարում են, որ դեմ են, յուրաքանչյուրը մտածում է՝ էլի ինչ-որ դեմեր կլինեն, քաղաքական գործունեության մեջ մարդիկ պետք է բաց լինեն, և ինչ հայտարարում են, այդ ուղղությամբ ընթանան»,- ասաց Արարատ Զուրաբյանը:
ՀՀՇ-ի նկատմամբ հանրության մեջ անվստահություն չի՞ նկատում: Արարատ Զուրաբյանն այս հարցին պատասխանեց, որ՝ ոչ, քանի որ, ըստ նրա, քաղաքական ուժերը տարբերվում են իրենց գաղափարախոսությամբ, սկզբունքներով, ունենում են վերելքներ ու անկումներ, բարդ իրավիճակներ, և դա շատ փոփոխական է:
«Ինչևէ, հույս ունեմ, որ մեր դեպքում կգան արդեն լավ օրեր: Վստահության վերականգնումն էլ գործունեոությունից է կախված, գործունեությունն է թելադրելու քաղաքական ուժի նկատմամբ վստահությունը»,- ասաց նա:
Նա նշեց, որ ՀՀՇ նախկին անդամները, ովքեր ցանկանում են, որ վերաբացվի կուսակցությունը, իրենց հետ են, ովքեր համաձայն չեն, այլ քաղաքական ուժի անդամ են:
Ըստ բանախոսի՝ պետք է շատ կարևոր բան արձանագրել. համախմբում լինում է ինչ-որ քայլի, ինչ-որ գաղափարի պարագայում, արհեստական համախմբումներ հնարավոր չեն: Եթե մարդիկ համախմբվում են ինչ-որ գործ անելու, հստակ է լինում այն գործը, որն անում են: «Եթե հիմա հստակ գործընթաց լինի, նաև միավորումներ կլինեն»,- ասաց նա:
Անդրադառնալով իրենց կուսակցության անվանմանը՝ նա նշեց, որ որևէ խնդիր չկա անվանման հետ կապված, որովհետև ՀԱԿ ձևավորումից առաջ ՀՀՇ-ն վերանվանվեց, այսինքն՝ այդ ժամանակ խնդիր կառաջանար, սակայն ՀՀՇ-ն վերանվանվեց, դարձավ ՀԱԿ: Նա նշեց, որ արդարադատության նախարարության համապատասխան պաշտոնյաների հետ ճշտել են, և որևէ խնդիր չկա այստեղ:
