Դերասան Ջուդ Լոուի ավագ որդին՝ 17-ամյա Ռաֆերտին, տոնել է իր դեբյուտը մոդելային բիզնեսում, հայտնում է wonderzine.com-ը:
Պատանին դարձել է շվեդական նորաձև Tiger of Sweden բրենդի նոր գովազդային արշավի դեմքը ու նկարահանվել ապրանքանիշի մինի-ֆիլմում, որտեղ նա բրիտանական առոգանությամբ արտաբերում է հետևյալ արտահայտությունը. «Որպեսզի լավագույնը լինես, պետք է մտածես այլ կերպ»:
«Նրանում կա այն ամենը, ինչը մարմնավորում է մեր ապրանքանիշը՝ լոնդոնյան ռոքնռոլի ոգին, ըմբոստությունը ու նիհար կազմվածքը»,- իրենց ընտրությունը մեկնաբանել են Tiger of Sweden-ի ներկայացուցիչները:
Միևնույն ժամանակ, ԶԼՄ-ները հայտնում են, որ Ռաֆերտին արդեն հայտնվել էր նորաձևության բիզնեսում: Անցած տարի նա նկարահանվել է բրիտանական Vogue-ի համար:
