Դյաբլո Կոուդին, որն ավելի վաղ գրել է «Ջունո» ֆիլմի սցենարը, Fox-ի ու Fake Empire ստուդիայի համար սկսել է գրել նոր հեռուստասերիալի սցենար:
Ինչպես հայտնում է The Hollywood Reporter-ը, «Վունդերքինգ» (The Prodigy) հեռուստատեսային դրաման մի տաղանդավոր աղջկա մասին է, որը մինչև 16 տարեկանը սովորում է տանը, որպեսզի չընկնի դպրոցի վատ ազդեցության տակ: Միաժամանակ նա պայքարում է նորմալ սոցիալական կյանքով ապրելու իր իրավունքի համար և հայտնվում է սովորական դպրոցում:
Սերիալի գործադիր պրոդյուսերները կլինեն Ջոշ Շվարցը ու Ստեֆանի Սևիջը:
