«Եթե ընդդիմությունը և իշխանությունը մի գլխավոր հարցի շուրջ՝ 2013 թ. նախագահական ընտրություններին Սերժ Սարգսյանի թեկնածության պաշտպանության շուրջ համաձայնության գան, ինչն, իհարկե, հանրությանը բարձրաձայն չի ասվի, ապա ես կարծում եմ, որ իշխանությունը կհամաձայնի 6 ամիս շուտ արտահերթ ընտրություններ անել»,- «Առաջին լրատվական»-ի հետ զրույցում կարծիք հայտնեց ազգագրագետ Հրանուշ Խառատյանը՝ խոսելով այն հարցի վերաբերյալ՝ ընդդիմություն-իշխանություն երկխոսությունն արդյունք կտա՞, թե՞ ոչ:
Խառատյանը նկատեց, որ եթե իր նշած պայմանավորվածությունը ձեռք բերվի, հանկարծակի արտահերթ խորհրդարանական ընտրություններ կանցկացվեն. «Թեկուզև նրա համար, որ քաղաքական հավակնություններ ունեցող մյուս խմբերը չհասցնեն կողմնորոշվել և նախապատրաստվել այդ ընտրություններին»:
Ազգագրագետի գնահատմամբ՝ այդկերպ ընտրություններին պատրաստ կլինեն միայն ՀԱԿ-ը և իշխանությունը. «Սա քայլ է գլխավոր հարցի շուրջ համաձայնության գալու և քաղաքական դաշտը իրար մեջ բաժանելու համար»:
