Կրեմլն արժանի թեկնածու է փնտրում Վլադիմիր Պուտինին։ ՌԴ նախագահի վարչակազմում մտածում են այն մասին, որ նախագահի գլխավոր թեկնածուի մրցակիցը կին լինի։ Այս մասին «Վեդոմոստի»-ին հայտնել են վարչակազմի աղբյուրները։
Դիտարկվում է 5-7 թեկնածություն, որից 3-ը՝ «Արդար Ռուսաստանից»։ Այդ թեկնածուներն են Ռուսաստանի կանանց Սոցիալ-դեմոկրատական միության նախագահ Նատալյա Վելիկայան, Ազգային ծնողական կոմիտեի առաջնորդ Իրինա Վոլինեցը և կուսակցության կենտրոնական խորհրդի անդամ Իրինա Պետելյաևան։
Աղբյուրները հայտնում են, որ համաձայնեցված է ոչ մի կուսակցության շարքերում չընգրկված կնոջ թենածություն։ Իդեալական տարբերակը Քսենյա Սոբչակն է, ով ներկայացնում է ժամանակակից երիտասարդ կնոջ կերպարը։
Կանայք մինչ օրս նախագահի ընտրություններին մասնակցել են 2 անգամ։ 2000 թվականին դա եղել է ԿԸՀ ներկայիս նախագահ Էլլա Պամֆիլովան («Քաղաքացիական արժանապատվություն»), ով հավաքել էր 1,01% ձայն, 2004 թվականին՝ Իրինա Խամակադան («Աջ ուժերի միություն», 3,84%)։
