Հայաստանի կառավարությունը համաձայնեց Երևանի փոքր կենտրոնում էլիտար բազմահարկ շենքեր կառուցելու համար տարածք հատկացնել։ Այդ մասին որոշումը կայացրել են օգոստոսի 31-ին, կառավարության նիստի ժամանակ։
Կառավարությանն առընթեր քաղաքաշինության կոմիտեի նախագահ Նարեկ Սարգսյանը նշել է, որ շենքերը կկառուցվեն Ամիրյան և Բուզանդի փողոցների միջև։ Նրանց միջև նաև նոր փողոց կլինի։
Բազմահարկ շենքերը կկառուցվեն Թատոնի և կինոյի ինստիտուտի տեղում ու դրան հարակից տարածքներում։ Բայց ներդրողն իր միջոցներով կկառուցի նաև այնտեղ գտնվող «Համազգային» թատրոնը՝ իրականացնելով ԽՍՀՄ ժողովրդական արտիստ Սոս Սարգսյանի վաղեմի երազանքը։
Ներդրումային ծրագրի արժեքն առաջին փուլում մինչև 5 մլն դոլար է գնահատվում, իսկ ընդհանուր՝ 15 մլն դոլար։
