Նաոմի Քեմբլը Versace-ի ցուցադրությունից առաջ ստիպված է եղել խիստ սննդակարգ պահպանել: Այս մասին գրում է Fashionista-ն:
«Ցուցադրությունից 10 օր առաջ ես հատուկ սննդակարգի հետևեցի՝ «մաքրվելու» համար: Այդ ընթացքում ես խմել եմ գազարի, անանասի և իմբիրի հյութ»,- ասել է մոդելը:
Նա նաև նշում է, որ «օրգանիզմի մաքրման նման հատուկ միջոցներ» նա շատ հազվադեպ է կիրառում, իսկ մյուս դեպքերում նախընտրում է առողջ սնունդը: Նաոմին նույնիսկ դեմ չէ ֆասթ-ֆուդին:
Քեմբլը խոստովանել է, որ սննդակարգը պահել է գերազանց տեսք ունենալու համար: Սա Versace-ի համար նրա առաջին ելույթն էր 14 տարվա ընդմիջումից հետո:
«Ինձ համար շատ հուզիչ էր կրկին մասնակցել ապրանքանիշի շոուին. չէ՞ որ ես դրան չեմ մասնակցել 14 տարի: Ես ցուցադրությունից մեկ ամիս առաջ գիտեի մասնակցության մասին, սակայն ոչ ոքի չէի կարող պատմել: Երբ ես փորձում էի այդ հիասքանչ հագուստները, ինձ ճնշված էի զգում»,- ասել է Նաոմին:
