Թեև Վաշինգտոնի քաղաքականությունը վստահություն չի հարուցում, Իրանի դիվանագիտական ջանքերը Ամերիկայի հետ հարաբերությունների կարգավորման հարցում անհրաժեշտ են: Նման դիրքորոշում է հայտնել Իրանի հոգևոր առաջնորդ, այաթոլլա Ալի Խամենեին, հայտնում է ITAR-TASS-ը:
Այաթոլլան նկատել է, որ աջակցում է երկրի նախագահ Հասան Ռուհանիի նախաձեռնությունը, որն անցած շաբաթ հնչել էր Նյու Յորքում՝ ՄԱԿ-ի Գլխավոր վեհաժողովի 68-րդ նստաշրջանում: Միևնույն ժամանակ, Խամենեի խոսքով՝ «որոշ հատվածներ բարձրաձայնելը տեղին չէր»:
«Մենք աջակցում ենք կառավարության դիվանագիտական քայլերը ու մեծ նշանակություն ենք տալիս, ինչպես նաև հավանության ենք արժանացնում այն, ինչ կատարվել է անցած ուղևորության ժամանակ (Իրանի նախագահի): Այդուհանդերձ, մենք, իհարկե կարծում ենք, որ Նյու Յորք այցի որոշ պահեր եղել են ոչ ճիշտ»,- ասել է Խամենեին:
Թե ինչ պահեր է նա համարում «սխալ»` հոգևոր առաջնորդը չի մանրամասնել:
