ԱՄՆ-ի և Եվրամիության միջև ազատ առևտրի շուրջ բանակցությունները դադարեցվել են երկրում բյուջետային ճգնաժամի պատճառով:
Ինչպես հաղորդում է BBC-ն, հաջորդ շաբաթ ամերիկացի մի խումբ փորձագետներ և բարձրաստիճան պաշտոնյաներ պետք է մեկնեին Բրյուսել` ազատ առևտրի մասին պայմանագիրը քննարկելու համար, սակայն նախօրեին Վաշինգտոնում հաղորդել են, որ ներկայիս դրության պատճառով հնարավոր չէ փորձագետներին ամբողջական կազմով ուղարկել բանակցությունների:
Հիշեցնենք, որ հոկտեմբերի 1-ին ԱՄՆ իշխանությունները չկարողացան ընդունել երկրի բյուջեն, որի հետևանքով բյուջետային ոլորտի ավելի քան 700 հազար աշխատակիցներ ուղարկվեցին չվճարվող արձակուրդի: Այս կապակցությամբ ԱՄՆ նախագահ Բարաք Օբաման հրաժարվել է Հարավարևելյան Ասիայի երկրներ այցից:
