Մայլի Սայրուսի և իռլանդացի երգչուհի Շինեյդ Օ’Քոնորի միջև տարաձայնությունները սկսվել են այն բանից հետո, երբ իր հարցազրույցներից մեկում Սայրուսն ասել է, որ իր Wrekcking Ball երգի տեսահոլովակը ստեղծելիս իրեն ոգեշնչել է Շինեյդի 1990-ին նկարահանված Nothing Compares 2U երգի տեսահոլովակը: Այս նորությունը, սակայն, զայրացրել է իռլանդուհուն: Նա համացանցում նամակ է հրապարակել.
«Ես շատ անհանգստացած եմ, որ ձեր շրջապատը ձեզ համոզում է ժապավենում մերկանալու անհրաժեշտության մեջ: Իրականում դրանով դուք թաքցնում եք ձեր տաղանդը: Դա ձեզ, վնասից բացի, ոչինչ չի տա: Դուք բավականաչափ տաղանդ ունեք և չպետք է երաժշտական ինդուստրիային թույլ տաք ձեզ մարմնավաճառուհու վերածել»,- գրել է նա:
Մայլի Սայրուսն էլ նրան համեմատել է հոգեկան հիվանդությամբ տառապող Ամանդա Բայնսի հետ: Իր խոսքերն ապացուցելու համար Սայրուսը Twitter-ում հարապարակել է Շինեյդի 2 տարվա վաղեմություն ունեցող հայտարարությունների սքրինշոթը, որտեղ վերջինս փորձում էր Իռլանդիայում լավ հոգեբանի գտնել:
Շինեյդն էլ իր հերթին, գրել է, որ Սայրուսը հրապարակել է այն հայտարարությունները, որոնք ունեն 2 տարվա վաղեմություն, և այդ ժամանակ ինքը հիվանդ է եղել` խնդրելով հետևորդներին ուշադրություն չդարձնել դրանց:
Սայրուսը սա ևս անպատասխան չի թողել` ասելով, որ ժամանակ չունի Շինեյդին բաց նամակ հղելու` առաջարկելով հանդիպել:
«Ես ցանկություն չունեմ ձեզ հետ հանդիպելու: Ձեզ 5 րոպեն էլ բավական է վիրավորական հայտարարությունները ջնջելու և ներողություն խնդրելու համար: Եթե դուք թա չանեք, ինձ ոչինչ չի մնում, քան ձեր դեմ դատական հայց ներկայացնելը: Ես ձեզ տհաճություններ պատճառելու ցանկություն չունեմ, սակայն եթե դուք ներողություն չխնդրեք այն բանի համար, որ մտածված կերպով ինձ ցավ եք պատճառել, ես ստիպված կլինեմ ձեզ վրա ճնշում գործադրել»,- սոցկայքերից մեկում հրապարակել է իռլանդուհին:
