Իսպանական Կանտաբրիա նահանգի լողափի այցելուները երեքշաբթի օրը զարմացել, ինչպես նաև վախեցել են, երբ լողափին գրեթե ամբողջովին պահպանված կաղամարի մարմին են հայտնաբերել:
Ծովի խորքերի այս խորհրդավոր բնակիչը 10 մետր երկարություն է ունեցել և 180 կգ քաշ:
Կենդանին տեղափոխվել է Կանտաբրիայի ծովային թանգարան, որտեղ համապատասխան ձևով մշակվել է և կպահվի այնքան ժամանակ, մինչև որ կառավարությունն ու գիտնականները պայմանավորվեն ինչպես վարվել դրա հետ:
El Diario-Մոնտանյեսի տվյալներով՝ քաղաքային իշխանությունները ցանկանում են կենդանուն ցուցադրել, իսկ գիտնականները, որոնց հետազոտելու համար հազվադեպ են այսպիսի կենդանիներ հանդիպում, պահանջում են այն գիտությանը ծառայեցնել:
Գտածոն իրականում շատ հազադեպ պատահող կենդանիներից է, քանի որ գրեթե անորսալի է, հետևաբար՝ քիչ ուսումնասիրված:
Որպես կանոն, դրանք բնակվում են 300-900 մետր խորության վրա, ուր գիտնականները չեն կարողանում հասնել, իսկ ափ դուրս եկած արդեն սատկած մարմիններն այդքան լավ պահպանված չեն լինում, ինչպես այս վերջինը:
Գրականության մեջ կաղամարները որպես սարսափելի հրեշներ են ներկայացվում, սակայն նավերի վրա հարձակումների փաստեր դեռ չեն գրանցվել: Ամենաերկար կաղամարի երկարությունը 13 մետր է եղել:
Կանտաբրիայում ափ դուրս եկած կաղամարին լուսանկարել է Էնրիկե Տոլեդոն, ով պատմում է, որ ծովային հսկայի աչքերը կարծես կենդանի լինեին: Դա զարմանալի չէ, քանի որ կաղամարի այս տեսակը կենդանական աշխարհում ամենախոշոր աչքերի տերն է: Դրանք կարող են հասնել 25սմ-ի: Այսօր աշխարհում ընդամենը մի քանի թանգարաններ կան, որոնց ցուցանմուշների մեջ ներառված են կաղամարների մարմիններ:
.jpg)
.jpg)
