Շվեյցարիայի բանկում է հավանաբար պահվում Լեոնարդո դա Վինչիի անհայտ նկարը, որի վրա պատկերված է Վերածննդի դարաշրջանի նկարիչների հովանավոր Իզաբելլա դ՛Էստեն: Այս մասին հայտնում է Sette газеты Corriere della Sera-ն:
Պարբերականի տվյալով՝ կտավը պատկանում է իտալական հայտնի հավաքորդների ընտանիքի, որոնք արվեստի գործեր են հավաքում արդեն 400 տարի:
Մասնագետներն արդեն կատարել են 61-ը 46.5-ի վրա չափ ունեցող նկարի ռադիոածխաջրածնային վերլուծություն և պարզել, որ այն պատկանում է Վերածննդի դարաշրջանին:
Ինչպես նշում է Agence France-Presse-ը, նկարչի ձեռագրի գլխավոր վկայությունը այս պահին կտավի ու Իզաբելլա դ՛Էստեի՝ 1499թ. արված դիմանկարի զգալի նմանությունն է:
Պարբերականը նկարի հայտնաբերումը համարում է սենսացիա, թեև դեռ չի հաստատվել, որ այն Լեոնարդո դա Վինչիինն է: Մի քանի ամիս կպահանջվի հետազոտությունն ավարտելու համար:
