«Մանչեսթեր Յունայթեդ»-ի գլխավոր մարզիչ Դևիդ Մոյեսը մեկնաբանել է թիմի գործերի ընթացքը:
«Նման իրավիճակ է ստեղծվել նաև իմ նախկին ակումբներում` «Էվերթոն»-ում և «Փրեսթոն»-ում: Այն հաղթահարելու համար պետք է ճիշտ քայլեր կատարել: Չեմ կասկածում, որ լավ արդնունքների կհասնենք, եթե շարունակենք նույն ոճով:
Ռոտացիան երբեք չի խանգարել Ալեքս Ֆերգյուսոնին: «Յունայթեդ»-ը միշտ մեծ և հիանալի կազմ է ունեցել: Աշխատանքս կայանում է նրանում, որ ընտրություն կատարեմ: Ինչպես արդեն ասել եմ, այդ կերպ ես ավելի լավ եմ ուսումնասիրում սաներիս հնարավորությունները:
Ինչ վերաբերում է վան Պերսիին, ապա ասեմ, որ նա առողջ է: Մենք որոշում կկայացնենք «Շախտյոր»-ի դեմ խաղում նրա մասնակցության վերաբերյալ: Ասել եմ, որ Չեմպիոնների Լիգայի հաղթող դառնալու համար թիմի կազմում պետք է ընդգրկված լինեն բազմաթիվ բարձրակարգ ֆուտբոլիստներ: Իհարկե, կփորձենք մրցաշարի գավաթակիր դառնալ: Դա իմ աշխատանքն է ու իմ նպատակը»,- Goal. com-ը մեջբերում է Մոյեսի խոսքերը:
