Հռոմի պապը երկուշաբթի օրը հայտարարել է Կարդինալների խորհուրդ ստեղծելու մասին, որի մեջ ներառվել են 8 բարձրաստիճան հոգևորականներ:
Ֆրանցիսկոսը հույս է հայտնել, որ Կարդինալների խորհուրդը կաջակցի Պապի գործունեությանը:
Կարդինալների խորհրդի կոորդինատոր է նշանակվել Հոնդուրասի արքեպիսկոպոս Օսկար Մարադիագան, տեղեկացնում է Ria novosti-ն՝ հղում կատարելով KAI գործակալությանը:
Խորհրդի կազմի մեջ ներառվել են Ավստրալիայի, Գերմանիայի, Կոնգոյի, Հնդկաստանի, Իտալիայի, Չիլիի և ԱՄՆ-ի կարդինալները: Խորհրդի քարտուղար է նշանակվել իտալացի եպիսկոպոս Մարչելլո Սեմերարոն:
Խորհրդի առաջնահերթ խնդիրը Pastor Bonus սահմանադրության մեջ փոփոխությունների փաթեթ պատրաստելն է, որը 1988 թ. ստորագրվել է Հովհաննես Պողոս պապի օրոք:
Կարդինալների խորհրդի առաջին նիստը կկայանա հոկտեմբերի 1-ին և 3-ին և գաղտնի բնույթ կկրի:
