Ամերիկացի երգչուհի Քեթի Փերին պատմել է Ռասել Բրենդից ամուսնալուծվելուց հետո իր հոգեկան ծանր վիճակի մասին: 28-ամյա աստղը պայաքարել է ինքնասպանության մտքերի դեմ այն բանից հետո, երբ կատակերգու Բրենդը 2011-ի դեկտեմբերին ամուսնալուծության հայցով դատարան էր դիմել: Այս մասին հայտնում է Metro-ն:
Նրա խոստովանությամբ՝ իր տվայտանքներն արտացոլում են գտել նոր՝ շուտով թողարկվելիս Prism ալբոմի By The Grace of God երգում: Փերին հավելել է, որ բոլոր երգերը իրական կյանքի պահերի մասին են: «Ես միայն ինքնակենսագրորեն կարող եմ գրել»,- ասել է նա:
Երգչուհին մեկ այլ երգում՝ Ghost-ում, ներկայացնում է, թե ինչպես է իր նախկին ամուսինն ամուսնալուծության մասին հայտնել տեքստային հաղորդագրությամբ:
Քեթին այժմ հանդիպում է երգիչ-երգահան Ջոն Մեյերի հետ, ում կյանքում անցյալում եղել են Ջենիֆեր Էնիսթոնն ու Թեյլոր Սվիֆթը:
Փերին նրան տաղանդավոր է համարում և չի վախենում նրանից խորհուրդ կամ օգնություն հայցել:
