Ճարպի դեմ պայքարը հին է, ինչպես աշխարհը: Համաձայն մերօրյա չափանիշների՝ առողջ կանացի օրգանիզմում պետք է լինի 25–31 % ճարպ, իսկ թեթև ատլետուհիների դեպքում՝ մոտ 17 %: Նվազագույնը 10 %-ն է, որը համատեղելի է կյանքի հետ, գրում է allure.ru-ն:
Սակայն կան կանայք, որոնց մարմնում կարող է լինել ընդամենը 6 % ճարպ: Նրանք բոդիբիլդինգով զբաղվող կանայք են:
Թույլ սեռը բոդիբիլդինգի միջազգային մրցումներին սկսեց մասնակցել 1970-ականներից:
Մահացու ցածր մակարդակում ճարպը մրցումներից առաջ նրանց օրգանիզմում մնում է ընդամենը մի քանի օր՝ կանանց օրգանիզմը այնքան է ջրազրկվում, որ բավական է խմեն մի քանի բաժակ ջուր մի քանի կիլոգրամով գիրանալու համար: Փոխարենը, նրանք շատ դժվարությամբ են քաշ գցում:
Որքան մոտենում է ելույթը, այնքան ավելի քիչ են մարզուհիները ուտում շաքար, իսկ 2 ամիս առաջ դադարեցնում են դրա ընդունումը, խմում վիտամինային ու պրոտեինային կոկտեյլներ, ընդունում ամինաթթուներ:
Սովորաբար մարզուհիները քնում են 10-12 ժամ՝ քնած ժամանակ նրանց մկաններն աճում են: Ու դա 15-20 րոպե ժյուրիի առաջ բեմում հանդես գալու համար:
Ոմանք այդ կանանց համարում են բնության կշեռք՝ ին ու յան, որոնք միախառնվել են մեկ մարմնում, մյուսները՝ առանց սեռի էակներ: Սակայն այդ ճանապարհը կանայք ընտրում են իրենց կամքով:
