Մեծ Բրիտանիայի նախկին վարչապետ Մարգարետ Թետչերի աճյունը շաբաթ օրը՝ սեպտեմբերի 28-ին, հողին են հանձնել: Այս մասին հաղորդում է Agence France Presse գործակալությունը: Կառավարության նախկին ղեկավարին թաղել են Չելսիի Արքայական հոսպիտալի տարածքում՝ ամուսնու կողքին:
Թաղման արարողությանը մասնակցել են Թետչերի զավակները՝ որդին՝ Մարկը և դուստրը՝ Քերոլը, նրա նախընտրակա քարոզարշավի կազմակերպիչ Թիմ Բելը և Սինթիա Քրոուֆորդը, ով ավելի քան 30 տարի «երկաթյա տիկնոջ» անձնական օգնականն էր:
Որպես պատվո պահակներ՝ հանդես են եկել ծեր զինծառայողների համար նախատեսված պանսիոնատի բնակիչները՝ «Չելսիի թոշակառուները», ովքեր կրել են ավանդական կարմիր հագուստները:
Հիշեցնենք, որ Մարգարետ Թետչերը, ով գլխավորել է Մեծ Բրիտանիայի կառավարությունը 1979-2990 թթ., մահացել է կաթվածից՝ 2013-ի ապրիլի 8-ին:
