Ունիկալ հատկությունների շնորհիվ գիտնականները շոկոլադն անվանել են «սուպեր-միրգ»: Մի շարք փորձարկումներ թույլ են տվել նրանց ապացուցել, որ իր օգտակար հատկություններով այս համեղ մթերքը գերազանցում է շատ մրգերի: Սակայն խոսքը մասնավորապես սև շոկոլադի մասին է, որի օգտագործումը պետք է խիստ վերահսկել, հաղորդում է globalscience.ru-ն:
Վերջին հետազոտությունների անսպասելի արդյունքները ցույց են տվել, որ մարդու օրգանիզմի համար շատ օգտակար են շոկոլադում պարունակվող ֆլավոնները, հակաօքսիդանտները և պոլիֆենոլները: Դրանք բջիջները պաշտպանում են վաղաժամկետ քայքայումից:
Հետազոտողները համեմատել են կակաոյի փոշու և մրգային փոշու հակաօքսիդանտային պոտենցիալը: Արդյունքում պարզվել է, որ այս կոնտեքստում ընդամենը մեկ գրամ կակաոյի օգտակարությունն ավելի բարձր է, քան համաչափ մրգային խառնուրդինը:
Հակաօքսիդանտները, ինչպես հայտնի է, մարդու օրգանիզմը հրաշալի պաշտպանում են վնասակար նյութերից, որոնք քայքայիչ ազդեցություն են թողնում բջիջների վրա:
