Այսօր՝ հուլիսի 24-ին, խոշոր ավտովթար է տեղի ունեցել Լոռու մարզում։ Ժամը 14։20-ի սահմաններում Ստեփանավան-Տաշիր ավտոճանապարհի 9-րդ կմ հատվածում բախվել են BMW մակնիշի 34 RF 774 համարանիշի, Toyota Camry մակնիշի 46 XX 446 համարանիշի և УАЗ 315195 մակնիշի 234 ՏԼ 01 համարանիշի ավտոմեքենաները։
Ինչպես հայտնում է shamshyan.com-ը վթարի հետևանքով 1 հոգի մարմնական վնասվածքներով տեղափոխվել է Ստեփանավանի բժշկական կենտրոն։
BMW-ի և Toyota-ի վարորդները վթարի մեջ մեղադրում են УАЗ-ի վարորդին, քանի որ, ըստ նրանց հայտարարության, УАЗ-ի վարորդը ստեղծել է վթարային իրավիճակ։ Գ. Շամշյանի տեղեկություններով՝ УАЗ-ը պատկանում է «Հայինկասացիա» Փակ Բաժնետիրական Ընկերությանը։ Ճանապարհային ոստիկանությունը պարզում է վարորդների ու վիրավորի ինքնությունը։
Մանրամասները սկզբնաղբյուր կայքում
