Իրանի և ԱՄՆ քաղաքացիների միջև շփումներն օգտակար են, սակայն միջուկային խնդրի լուծումը հիմնական քայլն է իրանա-ամերիկյան հարաբերությունների բարելավման ճանապարհին: Ինչպես հաղորդում է Trend գործակալությունը՝ վկայակոչելով Afkar News-ը, այս մասին հայտարարել է Իրանի նախագահ Հասան Ռուհանին: Նախագահը նման հայտարարությամբ հանդես է եկել Ասիական համայնքին նվիրված միջոցառմանը՝ Նյու Յորքում ՄԱԿ-ի Գլխավոր ասամբլեայի 68-րդ նստաշրջանի շրջանակներում:
Ռուհանիի խոսքով՝ ԱՄՆ-ի քաղաքացիների այցը Իրան և հակառակը կարող էին նպաստել հասարակական դիվանագիտության հաստատման գործում:
Խոսելով Իրանում արբանյակային ալեհավաքների վրա դրված արգելքի մասին՝ Ռուհանին նշել է, որ այդ արգելքը «անցյալին պատկանող գաղափար է» և հավելել է, որ այժմ աշխարհի բոլոր մարդիկ, այդ թվում՝ Իրանում, արբանյակային հեռուստաալիքների հասանելիություն ունեն: Նախագահն ընդգծել է, որ իր վարչակազմի նպատակն է իրանցի ժողովրդին ապահովել տեղեկատվության ազատ հասանելիությամբ:
Ինչ վերաբերում է Իրանի միջուկային ծրագրին, Ռուհանին հայտարարել է, որ իր կառավարությունը կշարունակի որոնել փոխադարձ ընդունելի որոշում՝ միջուկային փակուղուց դուրս գալու համար: Նրա խոսքով՝ կառավարությունը լի է միջուկային ծրագրի հետ կապված ցանկացած «խելամիտ» հարց կարգավորելու վճռականությամբ:
