Իսպանիայի իշխանությունները պատրաստվում են վերանայել երկրի վերադարձն այն ժամային գոտուն, որին հետևում են Բրիտանիան և Պորտուգալիան:
Այսպիսով, հնարավոր է՝ վերանայվի Երկրորդ համաշխարհային պատերազմի ժամանակ գեներալ Ֆրանսիսկո Ֆրանկոյի կողմից ընդունված որոշումը, ըստ որի՝ երկրի ժամանակը համապատասխանեցվել էր նացիստական Գերմանիայի ժամանակի հետ:
Խորհրդարանի քննարկմանը ներկայացված զեկույցում ասվում է, որ գործող կարգը հակասում է գիշեր-ցերեկ հերթափոխի բնական ցիկլին:
Այս կարգին հետևելը հանգեցրել է նրան, որ 71 տարի շարունակ իսպանացիներն ավելի քիչ են քնում, ավելի ուշ են ուտում և հետ են մնում տնտեսական արտադրողականության ցուցանիշով, գրում է bbc.co.uk-ը:
