Ֆրանսիայի նախագահ Էմանուել Մակրոնն ու ԱՄՆ նախագահ Դոնալդ Թրամփն իրենց տիկնանց հետ կընթրեն Էյֆելյան աշտարակի վրա գտնվող լեգենդար Le Jules Verne ռեստորանում`125 մետր բարձրության վրա:
Հանրահայտ շեֆ խոհարար Ալեն Դյուկասի ռեստորանն առաջարկում է ֆրանսիական խոհանոցի ազգային նրբահամ խորտիկները։ Պատուհաններից բացվում է Փարիզի գեղատեսիլ համայնապատկերը։
Հիշեցնենք, որ Դոնալդ Թրամփը Ֆրանսիա է ժամանել տիկնոջ՝ Մելանյա Թրամփի հետ՝ Բաստիլի գրավման օրվա տոնակատարություններին ընդառաջ:












































