ՀՅԴ-ն շարունակում է մարզպետների ջարդը: Քիչ առաջ պարզ դարձավ, որ Արագածոտնի մարզպետ Գաբրիել Գյոզալյանը կազատվի զբաղեցրած պաշտոնից։ Նրան փոխարինելու է ՀՅԴ-ի Երեւանի կոմիտեի ղեկավար Աշոտ Սիմոնյանը: Այս տեղեկությունը armtimes.com-ի հետ զրույցում հաստատեց ՀՅԴ գերագույն մարմնի ներկայացուցիչ, ԱԺ պատգամավոր Աղվան Վարդանյանը:
«Ցանկանում ենք լավ, երիտասարդ կադրերին ասպարեզ բերել»,- փոխանցեց Վարդանյանը:
Մեր այն հարցին, թե արդյո՞ք փոփոխության պատճառը գործող մարզպետ Գաբրիել Գյոզալյանի վատ աշխատանքն է, Վարդանյանը նշեց. «Պարոն Գյոզալյանը շատ լավ էր աշխատում, շնորհակալություն ենք հայտնել, բավարարված ենք, բայց ժամանակներն փոխվում են, պետք է նոր, թարմ կադրեր»,-փոփոխությունը այսպես հիմնավորեց Վարդանյանը:
Աշոտ Սիմոնյանը ԱԺ ընտրությունների ժամանակ ՀՅԴ-ի համամասնական ցուցակի 14-րդ համարում էր: Մասնագիտությամբ տնտեսագետ է, ունի սեփական ընկերություն, որը ֆինանսական խորհրդատվություն է տրամադրում:
Մանրամասները՝ սկզբնաղբյուր կայքում
