The Beatles խմբի նախկին մենակատար Փոլ Մաքքարթնիին չի հաջողվել վերադարձնել մի շարք ստեղծագործությունների հեղինակային իրավունքը, որոնք գրել է «լիվերպուլյան քառյակի» մյուս անդամի` Ջոն Լենոնի հետ: Այս մասին հայտնում է TASS-ը:
Նշվում է, որ Նյու-Յորք նահանգի Հարավային շրջանի դաշնային դատարանը մերժել է Մաքքարթնիի հայցը:
Դատավորը մերժել է հայցը, սակայն խոստացել է գործի քննությանը վերադառնալ ավելի ուշ: Մաքքարթնիի պահանջի կրկնակի ուսումնասիրման ժամկետը չի նշվում:
Խոսքը 1962-1972 թթ. գրված ստեղծագործությունների մասին է, որոնց թվում են՝ Across the Universe և I Want to Hold Your Hand հիթերը, որոնց հեղինակային իրավունքը 1985-ին ձեռք է բերել Մայքլ Ջեքսոնը:
