Տաֆթսի համալսարանի հետազոտողների թիմը հայտնաբերել է, որ պոկեր խաղացողի վստահությունը իր խաղաթղթերի նկատմամբ արտացոլվում է նրա ձեռքերի շարժումների մեջ:
Այդկերպ, հաղթանակի շանսերն ավելի հեշտ է գնահատել՝ հետևելով հակառակորդի ձեռքերին, քան ուսումնասիրելով նրա դեմքը:
Հոդվածում, որը հրապարակվել է Psychological Science ամսագրում, թիմը նկարագրում է 3 փորձ մի քանի կամավորի մասնակցությամբ ու ներկայացնում է տեսաձայնագրությունների անալիզը, որտեղ հնարավոր էր պարզել այս կամ այն խաղացողի վստահության աստիճանը:
Պոկերի փորձառու խաղացողները կարողանում են վերահսկել իրենց դեմքի մկանները, այլ կերպ ասած՝ դեմքի արտահայտությունը, ու թույլ չեն տալիս հույզերի արտահայտություն իրենց դեմքին, որպեսզի դիմացինին հնարավորություն չտան տեսնել իրենց խոցելի տեղերը:
Նոր ուսումնասիրությունը հետազոտողներին բերել է հետևյալ եզրակացության. հարկավոր է քիչ ցած նայել, և դուք սպառիչ տեղեկություն կստանաք ձեր մրցակցի մասին:
Խաղաքարերը առաջ հրող խաղացողի ձեռքերը մատնում են, թե ինչ է կատարվում նրա գլխում:
Ուսումնասիրությունը հաստատում է գիտնականների այն վարկածը, որ չնայած poker face-ի վրա տարիների աշխատանքին՝ պրոֆեսիոնալ խաղացողներն ի զորու չեն թաքցնել մարմնի լեզուն, որոնք ի վիճակի են մատնել հաղթանակի հաջողությունը կամ անհաջողությունը:
