Ինչպես հաղորդում են ռուսական ԶԼՄ-ները, այսօր վաղ առավոտյան Տվերի մարզում տեղի է ունեցել խոշոր ավտովթար. միմյանց են բախվել ավտոբուսն ու ուղևորատար մեքենան, որի հետևանքով ավտոբուսն այրվել է:
Այս մասին հաղորդել են մարզի իրավապահ մարմինները: Նախնական տվյալներով, զոհվել է 7 մարդ: Այս պահին դեպքի վայրում աշխատում են հրշեջներն ու ճանապարհային ոստիկանության աշխատակիցները:
Հիշեցնենք, որ վերջին 4 օրվա մեջ սա նմանատիպ երկրորդ խոշոր ավտովթարն է, որի հետևանքով այրվում է ավտոբուսը: Մայիսի 27-ին Մերձմոսկովյան մարզում ավտոբուսի և բեռնատարի բախման հետևանքով ավտոբուսն ամբողջությամբ այրվել էր, իսկ 11 մարդ մարդ տեղում մահացել էր: նախնական տվյալներով, ավտովթարի պատճառը եղել է այն, որ վարորդը քնել է ղեկին: