Աֆրիկյան միությունը սույն թվականի հոկտեմբերի 13-ին Ադիս Աբեբայում արտահերթ նիստ կգումարի, որտեղ կքննարկվի աֆրիկյան երկրների՝ Միջազգային քրեական դատարանի կազմից «կոլեկտիվ կերպով դուրս գալը»՝ ի նշան բողոքի՝ ընդդեմ քենիացի բարձրաստիճան պաշտոնյաների դեմ տեղի ունեցող դատական գործընթացների, այդ թվում նաև երկրի նախագահ Ուհուրա Քենիաթայի դեմ: Նա մեղադրվում է մարդկության դեմ կատարած հանցագործությունների մեջ: Այս մասին հաղորդում է ITAR-TASS-ը:
Մասնավորապես, Քենիաթան և նրա 2 գործընկերները մեղադրվում են Քենիայում 2007-ի նախագահական ընտրություններից հետո միջէթնիկական բախումներ հրահրելու մեջ: Ոստիկանության հետ բախումների ընթացքում զոհվել են ավելի քան 1.1 հազար խաղաղ բնակիչներ, 3.5 հազարը վիրավորվել են:
Ադիս Աբեբայում ԱՄ հանձնաժողովի նախագահ Էրաստուս Մվենչան հայտարարել է, որ գագաթնաժողովը հանդիսանում է կազմակերպության շրջանակներում այս տարվա մայիսին սկսված այն քննարկումների շարունակությունը, որտեղ ՄՔԴ-ից պահանջել են Քենիային իրավունք տալ ինքնուրույն իրականացնել հետաքննությունը և կազմակերպել դատական գործընթացը: Նրա խոսքերով՝ դուրս գալ ՄՔԴ-ի կազմից, թե ոչ՝ պետք է յուրաքանչյուր աֆրիկյան պետություն ինքնուրույն որոշի: