Վերջին ժամանակներս Լեդի Գագայի հակառակորդների և խնդիրների թիվը նկատելիորեն աճում է: Օրերս երգչուհուն դատի էր տվել նրա նախկին օգնականը, իսկ այժմ նրա դեմ իր պահանջներն է ներկայացրել Ազելիա Բենքսը:
Օրերս 22-ամյա ռեփ-երգչուհին Twitter-ում մի հաղորդագրություն է հրապարակել, որում Լեդի Գագային մեղադրում է գրագողության մեջ: Աղջիկը պնդում է, որ Red Flame երգի անվանումը Գագան չի մտածել, այլ իրենից է գողացել: Բենքսը խոստացել է հաջորդ անգամ Գագային հաշիվ ներկայացնել:
Սա առաջին դեպքը չէ, երբ Բենքսը Գագային մեղադրում է իր ստեղծագործական գաղափարները գողանալու մեջ: Ավելի վաղ Ազելիային բարկացրել էր MTV VMA-2013-ին երգչուհու ելույթը, ավելի ճիշտ՝ բեմին նրա հայտնվելը: Բենքսի խոսքերով՝ ստորջրյա աշխարհի և ջրահարսերի գաղափարը Գագան նույնպես իրենից է գողացել:
Նշենք, որ Լեդի Գագան չի մեկնաբանել իր դեմ հնչած մեղադրանքները և Բենքսին չի պատասխանել: Դրանից բացի, պարզ չէ՝ արդյոք Ազելիան իր խոսքերը հաստատող ապացույցներ ունի՞, թե՞ այս ամենն արվում է հասարակության ուշադրությունը գրավելու նպատակով:
