Հայաստանն ամեն տարի քայլ առ քայլ կորցնում է իր ինքնիշխանությունը: Այսօր Երևանում Արևելյան գործընկերության քաղաքացիական հասարակության ֆորումի Հայաստանի ազգային պլատֆորմի համաժողովին նման մտահոգություն հայտնեց «Ժառանգություն» կուսակցության մամլո խոսնակ Հովսեփ Խուրշուդյանը:
Վերջինիս համոզմամբ՝ անընդունելի է այն, որ Ռուսաստանը զինում է ՄՄ-ին անդամակցող Հայաստանի հակառակորդին: «Հաջորդը Եվրասիական միությունը կլինի, դեռ ռուբլու գոտի է լինելու, որում ներառվելու են միայն Հայաստանը և Ռուսաստանը, քանի որ մյուս անդամ երկրները բավական անկախ են: Մեզ դեռ սպասվում է Հայաստանից աշխատուժի ներգրավում Ալթայի երկրամասում, որով ռուսներն իրենց ժողովրդագրական խնդիրը կլուծեն հայերի միջոցով»,- ասաց նա:
Խուրշուդյանը այս իրավիճակում տեսնում է երկու տարբերակ՝ կա՛մ քաղաքացիական հասարակությունը պիտի մնա իր կրավորական դիրքում՝ համարելով, որ սա քաղաքական հարց է, կա՛մ, տեսնելով սպառնալիքները, ընդունի առավել արմատական կեցվածք՝ թույլ չտալու համար այս զարգացումների խորացումը:
Մանրամասները` տեսանյութում:
