Այսօր՝ սեպտեմբերի 18-ին, արտակարգ դեպք է տեղի ունեցել Գեղարքունիքի մարզում: Ժամը 13:00-ի սահմաններում Երևանի բնակիչ, 24-ամյա Արթուր Դադամյանն ահազանգել է ոստիկանության Սևանի բաժին և հայտնել, որ Երևան-Իջևան ավտոճանապարհի 63-րդ կմ հատվածում՝ Սևանի հիվանդանոցի խաչմերուկում, ինքը մայթեզրին կայանել է Chevrolet մակնիշի 483 ՏՕ 61 համարանիշի ավտոմեքենան և նստատեղը պառկացրած հանգստանալիս է եղել ավտոմեքենայի մեջ, երբ «գմփոց» է լսել:
Ինչպես հայտնում է shamshyan.com-ը, այս պահին ժամանել է ոստիկանության Սևանի բաժնի օպերատիվ խումբը՝ Սևանի ոստիկանապետ Վիգեն Աղեկյանի գլխավորությամբ, ինչպես նաև՝ ոստիկանության քննչական գլխավոր վարչության Գեղարքունիքի մարզի քննչական բաժնի Սևանի քննչական բաժանմունքի պետ Վաղինակ Վարդանյանն ու ավագ քննիչ Արկադի Գաբրիելյանը: Օպերատիվ քննչական խումբը հայտնաբերել է նշված ավտոմեքենան կայանված վիճակում, իսկ վարորդի դռան ապակին՝ ամբողջովին փշրված: Այս պահին քննիչ Ա. Գաբրիելյանն ու ոստիկանության Գեղարքունիքի մարզային վարչության փորձաքրեագիտական բաժանմունքի պետ Դանիել Մոսիկյանը ավտոմեքենայի զննություն են կատարում Ա. Դադամյանի ներկայությամբ:
Shamshyan.com-ը հայտնում է, որ Ա. Դադամյանը ոստիկաններին հայտնել է, որ ինքը Երևանի Ավետարանական եկեղեցու ծառայող է և, ըստ իր վարկածի՝ իր վրա կրակել են:
Մանրամասները՝ shamshyan.com–ում
