Վրաստանի ազգային օլիմպիական հանձնաժողովը Միջազգային օլիմպիական կոմիտեին նամակ է հղել՝ պահանջելով պարզել, թե ինչու է Եվրոպական հեռահաղորդակցական միությունը 2014-ին տեղի ունենալիք Սոչիի օլիմպիական խաղերում հավատարմագրվելու հնարավորություն ընձեռում Աբխազիայի և Հարավային Օսեթիայի լրագրողներին:
Պատասխանը սպասվում է առաջիկայում:
«Անթույլատրելի է, որ Աբխազիան և Հարավային Օսեթիան որևէ կերպ առանձին ներկա գտնվեն խաղերին»,- ասել է Վրաստանի ԱՕԿ առաջին փոխտնօրեն Էլգուջա Բերիշվիլին:
«Դա տհաճ է, սակայն հիշեցնեմ, որ ՄՕԿ-ը չի ճանաչում Աբխազիան և Հարավային Օսեթիան»,- հավելել է նա:
